Aaj bhi sab kuch wohi to hi
Wohi aasmaan wohi baadal
wohi aansoo
Wohi raat
wohi yaadain
wohi andhira
wohi shaam
wohi shama
wohi aarzoo
Dharti bhi
ard bhi wohi,
gaggan bhi samaan bhi wohi
Kuch bhi to nahe badla
Aaj bhi sab kuch wuhi to hai…
Wuhi tanhayee wuhi weeraani
wuhi san ’naatta
Wuhi falak wuhi sitaray wuhi
beqaraari
Wohi faaslay wohi dooreyaan
wohi ajnabeyyat
Tum ab bhi waheen ho jahaan hamaisha thee
Kuch bhi to nahee badla
Aaj bhi sab kuch wuhi to hai
Wohi dil wohi jaan wohi
dharkan
Wohi tasveer wohi khwahish
wohi armaan
Wohi baat wohi khushboo
wohi rang
Mein ab bhi waheen hoon aur
tum ab bhi waheen
Kuch bhi to nahe badla
Aaj bhi sab kuch wohi to hai
Wohi pyar wohi zindagi wohi
muhabbat
Wohi geet wohi ghazal wohi
naghma
Wohi mausam wohi phool wohi mehak
Mere leye tum aaj bhi wohi
ho kal bhi wohi rahogi
Kuch bhi to nahee badla
Aaj bhi sab kuch wohi to hai
Wohi galiyyaan wohi koochay
wohi makaan
Wohi tamanna wohi ek baam-o-dar
Wohi aas wohi aik hi raah
guzar Raahain aaj bhi tumhein hi
pukaara karti hain
Kuch bhi tau nahee badla
Aaj bhi sab kuch wohi to hai
Zindagi ke ye lamhay aaj bhi
waheen kharay hain
Chand gharreyyoo pe wakt
jaise ruk gaya ho
Manzil ke rastay mein ye
morr aaj bhi sadayain dete
hain
Mera aaj bhi wohi hai jo mera kal thaa
Kuch bhi tau nahee badla
Aaj bhi sab kuch wohi to
hai..
No comments:
Post a Comment